قائمه لاعبين النادي الاهلي في اليابان

* اولا وقبل اى حاجة احب اقولكم "مساء الانوار" .... فى الاول طبعا مبروك للنادى الاهلى الفوز بالبطولة الافريقية للمرة السادسة ... ومبروك الهزيمة من الفريق المحترم جدا اتحاد الشرطة لان فى رأيى الهزيمة دى هتفوقفنا اوى ... وانتظروا الاهلى فى اليابان .

* ثانيا بقا قبل ما أتكلم معاكوا عاوز بس الفت الانظار لنقطة صغيرة ممكن تقلب الدنيا وتخسرنا كل حاجة .... وهى التفائل الزائد عن الحد والذى قد يصل لمرحلة التهور وقد يقفدنا كل السعادة التى يجب ان يكون عليها كل مشجع اهلاوى بل ومصرى ايضا ..... "النقطة دى فى موضوع ان الاهلى ومانشستر يونايتد فى النهائى والبولة للاهلى خلاص مفيش كلام" ... طبعا من حق كل اهلاوى انه يحلم وانه يكون عنده طموح وثقه فى فريقه مالهمش حد .. ولكن اللى مش من حقه انه يصدق الحلم ده لدرجة الايمان بيه , وان خلاص لو متحققش هيبقا ده فريق الكفار ولازم يخش النار , وفى اللحظة دى يبقا احنا بنهد كل اللى بنيناه الفترة اللى فاتت .... وبالتوفيق للاهلى وان شاء الله البطولة حمرا .

* ثالثا بقا تعالوا معايا نتكلم شوية عن الاهلى فى اليابان ... وطبعا اول حاجة وهيا مسار الجدل هذه الايام "قائمة الفريق" , تعالوا بقا نتكلم عن القائمة شوية ونشوف كل لاعب لوحده كده مع الاخذ فى الاعتبار ان اختيارات اللاعبين وفقا لرؤية الجهاز الفنى فقط لا غير .

**..** الـــ23 لاعب المختارين من قبل الجهاز الفنى **..**

1. أمير عبد الحميد

- ايوب الكرة المصرية الجديد , حارس موهوب بالفطرة , ارتفع مستواه فى الفترة الاخيرة بشكل ملحوظ .. لدرجة جعلت من هاجمه من جماهير النادى الاهلى لضعف مستواه هم اول من يقف بجانبه الآن "وانا اولهم" .

2. رمزى صالح

- حارس ترى الثقة والتصميم على وجهه , طبعا اكيد هو حارس على مستوى عالى , ولكنه مازل ينتظر الفرصة لكى يثبت للجميه ذلك "بتهيئلى كده هتستنا كتييييييييير".

3. احمد عادل عبد المنعم

- حارس المستقبل , نرى فيه بسمة امل ... ولكنه يحتاج للمزيد من الوقت فهو كما قلت حارس الستقبل "لسا بدرى عليك يا احمد".

4. شادى محمد

- كابتن النادى الاهلى , واحد اكثر اللاعبين حظا لكونه كابتن لهذا الجيل الحالى , وهو ليبرو الاهلى فى الوقت الحالى .. وطبعا مفيش اى كلام عليه "يابختك يا شادى".

5.احمد السيد

- مدافع النادى الاهلى الصلب , راجل بمعنى الكلمة , وهو لاعب اساسى فى دفاع الفريق "وحش يا بوحميد".

6. وائل جمعة

- هوا احسن مدافعى مصر وافريقيا بل والعالم العربى بلا منافس , وطبعا مش محتاج اتكلم عليه "صخرة الدفاع الاهلاوى".

7.محمد سمير

- هو مستقبل دفاع النادى الاهلى , تجده يلعب فى مركز المساك ويجيد .. وفى مركز الليبرو ويجيد , وهو الان فى فترة اكتساب اكبر الخبرات ... واتظروه قريبا المدافع الاول فى مصر "روعة يابن بلدى".

8. رامى عادل

- مدافع غير مستقر فنياَ , فنادرا ما تجده فى مستوى متميز وكثيرا ما تجده ضعيف المستوى .. وعامة هوا لاعب كل معلوماته عن الدفاع احرز الاهداف فى مرماه "بخاف منك اوى يا روميو".

9. احمد صديق

- قطار الاهلى السريع فى الجبهة اليمنى , ظُلم كثيرا الموسم الماضى لأصرار جوزية على مشاركة لاعب كل معلوماته عن الكورة انها شبه البطيخة "احمد عادل" ... ولكنه بدأ فى تثبيت اقدامه كحامل اختام الجبهة اليمنى "بالتوفيق يا صديق" .

10. محمد بركات

- بركوتة .. الزئبقى .. السريع .. المهارى , هو الاكثر تألقا ولفتا للانظار بين نجوم الاهلى فى الفترة الاخيرة .. فتجده يشكل مع أبوتريكة ثنائى ليس بالغريب علينا ... وايضا مش محتاج اتكلم عنه "انتظروه فى اليابان".

11. سيد معوض

- هو احد افضل الباكات الشمال فى مصر , وهو احد اعمدة المنتخب الاساسية فى غانا 2008 ... ولكنه لم يقدم ما يذكر مع الاهلى حتى الآن فى ظل التألق الغير عادى للفنان جلبرتو "انتظر الفرصة".

12. جلبرتو

- تعتبره جماهير النادى الاهلى ابن من ابناء النادى , هو فارس احلام الجبهة اليسرى فى الاهلى وهو افضل باك شمال فى مصر حاليا ، بل وتجده احيانا احد فرسان خط الوسط "بنحبك يا جلبرتو".

13. حسام عاشور

- هو الجندى المجهول فى خط وسط النادى الاهلى , موهبة غير عادية فى ادارة خط وسط الفريق , استطاع تثبيت اقدامه كأحد اعمدة الفريق الاساسية بالرغم من صغر سنه ... يعيبه فقط الشغل على المرمى ولكنه وبكل تأكيد لا يمكن الاستغناء عنه فى خط الوسط "انتظرك فى المنتخب يا عاشور".

14. احمد حسن

- الصقرالمصرى الاهلاوى , كابتن المنتخب المصرى , دينامو متحرك لا يهدأ ولا يقف , وهوا احد ابرز واهم الصفقات فى الفترة الاخيرة ... وطبعا مش محتاج اتكلم عليه "ننتظرك فى اليابان".

15. احمد فتحى

- جوكر النادى الاهلى , لاعب نادرا ما تجد مثله فى الملاعب ... فأينما تريده تجده يلعب ويتألق , فتجده احد افضل الباكات فى مصر وهو الباك الاساسى للمنتخب قبل الاصابة , وتجده احد افضل لاعبى الوسط .. وهو مميز بتسديداته الصاروخية ... وبالرغم من صغر سنه الا انه يمتلك من الخبرة ما يكفى ليجعله من اكثر اللاعبين خبرة فى النادى " والله بعوده يا احمد".

16. معتز اينو

- هو احد المواهب المصرية الاهلاوية فى خط الوسط , يتميز دائما بالحركة وتسديداته الصاروخية .. فمن منا ينسى هدفه الصاروخى فى مرمى نادى الزمالك , انتقل للاهلى فى صفقة كانت مسار جدل كبير .. ولكنه حتى الان لم يقدم اوراق اعتماده كلاعب اساسى فى الفريق "بنحبك يا اينو" .

17. حسين على

- معلوماتى عنه لا تتعدى سوى انه كان لاعب متميز فى صفوف نادى بتروجيت الموسم الماضى , وانتقل للنادى الاهلى بعد جدال كبير مع نادى الزمالك ... ولكننى حتى الان لم اراه ولذلك لا استطيع الحكم عليه "هل انت افضل من بوجا؟".

18.حسين ياسر المحمدى

- لك اكن اعلم من هو .. او اين يلعب قبل قدومه للنادى الاهلى , ولكنه سرعان ما سكن قلوب الجماهير الاهلاوية .. فأصبحت تعشقه وكأنه لاعب قديم فى الفريق , فهو لاعب متميز يمتلك موهبه غير عادية فتجده يشبه كثيرا الزئبقى محمد بركات فى طريقة اللعب , فهو "نجم الاهلى القادم".

19. هانى العجيزى

- كرستيانو العجيزى .. كما تحب جماهير النادى الاهلى ان تلقبه , لاعب من طراز عالمى , فهو يمتلك موهبة غير عادية ومهارات كثيرة بالرغم من صغر سنه , تعشقه جماهير النادى الاهلى وتنتظر منه الكثير , فهو مستقبل النادى ونجم نجومه القادم بقوة "اوعى الغرور يا هانى".

20. محمد أبوتريكة

- حدث ولا حرج .. فهو أمير قلوب المصريين , وهو تاجر السعادة , وهو نجم نجوم النادى الاهلى ومصر والعالم العربى , وهو اكثر لاعبى العالم شعبية , وهو ...و...و...و...و... ,لا يحتاج لان اتحدث عنه , فأقدامه ومبارياته واهدافه وبطولاته والقابه ,هى خير من يتحدث عنه "يحميك ربنا من العين".

21. فلافيو

- الفهد الانجولى ... لاعب هداف بالفطرة , فتجده يسجل بكل الاوضاع والاشكال ... انتقدته الجماهير بشده فى الموسم الاول نظرا لفشله فى التسجيل .. ولكنه اثبت للجميع بعد ذلك انه المهاجم رقم1 فى النادى الاهلى , بل وفى الدورى المصرى ايضا "محتار من غير متعب".

22. احمد بلال

- الشهير بأحمد اجوال ... من منا ينسى بلال 2001 و 2002 و 2003 .. فقد كان نجم الهجوم المصرى الاول بلا منازع , ولكن بعد عودته من الاحتراف , لم يقدم اى شئ حتى الان للنادى الاهلى "اين انت يا بلال 2001؟".

23. أسامة حسنى

- احد المواهب النادرة فى هجوم النادى الاهلى , فهو رجل المهام والاوقات الصعبة , فحين تريده تجده ... ولوا اصاباته الكثيرة والزائدة عن الحد , لكان له شأن اخر فى الكرة المصرية " ننتظرك يابن النادى
من السفاح العاشق للـــــــــ".

شكرا وبارك الله فيك

لا أظن إن الهزيمة فوقت الأهلي
زعلونا النهاردة جداً
مش كفايا عليا الزمالك يا ربي

انا رأيي ان الكوره المصريه مش هتتحسن طول ما احنا بنبص علي مين هو مدير النادي لازم نركز علي المنتخب و يكون في منافسه في الدوري لان المنافسه تقوي الفرق و شكرا

الله ...... الوطن ........ الاهلي